काभ्रेको भुम्लुमा क्रसर व्यवसायी र स्थानीयबीच झडप

नौलो समाचार संवाददाता
२०७७ जेष्ठ १, बिहिबार मा प्रकाशित ५५६ पटक पढिएको
काभ्रेको भुम्लुमा क्रसर व्यवसायी र स्थानीयबीच झडप

जेठ १, काभ्रे । काभ्रेको भुम्लु गाउँपालिकामा क्रसर व्यवसायी र स्थानीयबीच झडप भएको छ । कोरोना महामारीका बेला क्रसर नियमित रुपमा चलिरहेको भन्दै स्थानीयले टिपर रोकेपछि शुरु भएको विवादका कारण झडप भएको हो ।

भुम्लु गाउँपालिका वडा नम्बर ९ का वडाध्यक्ष एवं प्रत्यक्षदर्शी दलबहादुर तामाङले झडपबाट दुबै पक्षका केही युवा घाइते भएको जानकारी दिए । ‘टिपर चलाउन नदिने भन्ने विषयमा विवाद हुँदा झडप भएको हो, मैले ३ जना घाइते भएको देखेको छु, अरु पनि हुनसक्छन्’ वडाध्यक्ष तामाङले भने ।

१ जेठदेखि वितरण गरिएको पास समेत सरकारले खारेज गरेर लकडाउन कडा गरिएको बेला पनि टिपरले लगातार गिटीबालुवा ओसारी रहेको भन्दै स्थानीयले विरोध गरेका थिए ।

क्रसर व्यवसायीहरुले साँझको समयमा भए पनि आफ्नो काम नियमित गर्ने भएपछि त्यहाँ झडप भएको हुनसक्ने अध्यक्ष तामाङको भनाइ छ ।

प्रतिक्रिया दिनुहोस