सहुलियत मूल्यमा खसी-बोका बिक्री सुरु, प्रतिकिलो ५६० रुपैयाँ

नौलो समाचार संवाददाता
२०७७ कार्तिक ३, सोमबार मा प्रकाशित १२१ पटक पढिएको



कात्तिक ३, काठमाडौं। खाद्य व्यवस्था तथा व्यापार कम्पनीले सोमबारबाट सहुलियत मूल्यमा खसी–बोका बिक्री सुरु गरेको छ ।

दसैंलाई लक्षित गरी थापाथलीस्थित बिक्री केन्द्रबाट सोमबारदेखि खसी–बोका बिक्री सुरु गरिएको कम्पनीकी सूचना अधिकारी शर्मिला सुवेदीले जानकारी दिनुभयो ।

कम्पनीको आइतबार बसेको बैठकले जिउँदो खसी तथा बोका प्रतिकिलो ५ सय ६० रुपैयाँ तोकेको छ ।

जसमा प्रतिकिलो १० रुपैयाँ छुट दिएर ५ सय ५० रुपैयाँमा खसी–बोका बिक्री गरिने सुवेदीले बताउनुभयो ।

आइतबार साँझसम्म मकवानपुर र दाङबाट ४ सय ५ वटा खसी–बोका थापाथली बिक्री केन्द्रमा आइपुगेको कम्पनीले जनाएको छ ।

खसी–बोकाको जिउँदो मूल्य समान भएको र सो मूल्य गत वर्ष जतिकै भएको कम्पनीले जनाएको छ ।

प्रतिक्रिया दिनुहोस