काभ्रेमा कोरोनाबाट थप एक जनाको निधन, ३० जना नयाँ संक्रमित थपिए

कात्तिक ८, काभ्रे। काभ्रेमा आज कोरोना भाइरसका थप एक जना विरामीको निधन भएको छ । स्वास्थ्य कार्यालय काभ्रेका अनुसार बनेपा नगरपालिकाका ७८ बर्षीय महिलाको निधन भएको हो । काभ्रेमा योसंगै कोरोना भाइरसका कारण १६ जनाको मृत्यु भएको छ । मृत्यु हुनेमा ९ जना पुरुष र ७ जना महिला रहेका छन् ।

जिल्लामा आज ३० कोरोना भाइरसको संक्रमित थपिएका छन् । थपिनेमा सबैभन्दा बढी बनेपा नगरपालिकाका ११ जना महिला र ७ जना पुरुष छन् । त्यस्तै पनौती नगरपालिकाका ४ जना महिला र ३ जना पुरुष, धुलिखेलका ३ पुरुष र १ महिला तथा पाँचखाल नगरपालिका १ जना पुरुषमा कोरोना भाइरस संक्रमण पुष्टि भएको हो । योसँगै काभ्रेमा संक्रमितको संख्या १५ सय ११ पुगेको छ ।

२५ जनाले जिते कोरोना

काभ्रेमा आज २५ जनाले कोरोना जितेका छन् । जिल्लामा हालसम्म निको हुनेको संख्या ९४० पुगेको छ । ६ सय ७ जना पुरुष र ३ सय ३३ जना महिला निको भएको स्वास्थ्य कार्यालय काभ्रेका प्रमुख डाक्टर नरेन्द्र कुमार झाले जानकारी दिनुभयो ।