पेप्सीकोलामा डेरा खोज्दै आउनेले घरधनीको सिक्री लुटेर भागे !

नौलो समाचार संवाददाता
२०७७ आश्विन ९, शुक्रबार मा प्रकाशित ८७८ पटक पढिएको
पेप्सीकोलामा डेरा खोज्दै आउनेले घरधनीको सिक्री लुटेर भागे !

असोज ९, काठमाडौं। काठमाडौंको पेप्सीकोलामा कोठा खोज्दै पुगेका दुईजना युवाले घरधनीको सुनको सिक्री लुटेर भागेका छन् । बिहिबार साँझपख पेप्सीकोलास्थित सनसिटी अपार्टमेन्ट नजिकै घर भएकी पवित्रा विडारी उप्रेतीको घरमा डेरा खोज्दै दुईजना युवा पुगेका थिए । भुँईतल्लामा रहेको दुईवटा कोठा मासिक १० हजार तिर्नेगरी डिल भएपछि उनीहरुले सोधे– ‘घरमा को–को बस्छन् ?’

घरधनी पवित्राले दोस्रो तल्ला भाडामा दिएको र तेस्रो तल्लामा छोरो बस्ने जानकारी गराएपछि उनीहरुले ‘सुन, पैसा सवै नदिए राम्रो नहुने’ चेतावनी दिए । त्यसपछि उप्रेतीले डराएर १ तोलाको सिक्री फुकालेर दिइन् । सिक्री लिएपछि दुईजोर चप्पल छाडेर लुटेरा स्कुटरमा भागेको बताइएको छ । ‘घर नै लुटेको’ खबर आएपछि प्रहरी उनको घरमा पुगेको थियो ।

लुटपाटमा संलग्नहरुको खोजी भइरहेको महानगरीय अपराध महाशाखाका प्रमुख एसएसपी दिपक थापाले बताए । उनले भने–‘हामी खोज्दै छौं, लुटपाटमा संलग्नलाई कानुनी दायरामा ल्याउँछौं ।’ भुँईतलाको दुईवटा कोठा लकडाउनपछि खाली भएको थियो । कोठा भाडामा लगाउने लोभमा पवित्रा लुटिएकी छिन् ।

प्रतिक्रिया दिनुहोस