असोज २५, काभ्रे। आईतबार ४३ संक्रमित थपिएपछि काभ्रेमा कोरोना संत्रमित संख्या एक हजार पुगेको छ ।
स्वास्थ्य कार्यालय काभ्रेका अनुसार थपिएका संक्रमितमध्ये धुलिखेल नगरपालिकाका ६ जना पुरुष र २ जना महिला, पनौती नगरपालिकाका ८ जना पुरुष र ६ जना महिला, मण्डनदेउपुर नगरपालिकाबाट १ जना पुरुष, नमोबुद्ध नगरपालिकाबाट १ जना महिला, पाँचखाल नगरपालिकाबाट ३ जना पुरुष र २ जना महिला र बनेपा नगरपालिकाबाट ९ जना पुरुष र ५ जना महिला गरी ४३ जनामा कोरोना संक्रमण पुष्टि भएको हो ।
यो सँगै काभ्रेमा संक्रमितको संख्या १ हजार १ पुगेको हो ।
थप एक जनाको मुत्यु
कोरोना संक्रमणका कारण काभ्रेमा आईतवार थप एक जना पुरुषको मृत्यु भएको छ । मृत्यु हुने धुलिखेल नगरपालिका वडा नं ११ का ५० वर्षीय पुरुष छन् ।
प्रतिक्रिया दिनुहोस