असोज २८, काठमाडौं। राष्ट्रियसभा सदस्यमा मनोनीत नेपाल कम्युनिस्ट पार्टी (नेकपा)का उपाध्यक्ष वामदेव गौतमको योग्यतामाथि प्रश्न उठाउँदै सर्वोच्च अदालतमा विचाराधीन मुद्दाको सुनुवाइ स्थगित भएको छ । न्यायाधीशहरूको गणपूरक संख्या नपुगेकाले बुधबार पनि संवैधानिक इजलास स्थगित भएको हो ।
बुधबार सुनुवाइ स्थगित भएसँगै मुद्दाको निरुपण दसैँपछि सर्ने निश्चितप्रायः छ ।
अब घटस्थापनाअघि शुक्रबार मात्रै संवैधानिक इजलास तोकिनेछ ।
कोरोना संक्रमणका कारण अधिकांश न्यायाधीश क्वारेन्टाइन र केही आइलोसेलनमा रहेकाले शुक्रबारको सुनुवाइ पनि रोकिने सम्भावना छ ।
प्रतिक्रिया दिनुहोस