मंसिर २३, काभ्रे। जिल्लामा आज थप १३ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । त्यस्तै जिल्लाका १७ जना कोरोना संक्रमणमुक्त भएको कार्यालयको जानकारी छ ।
आज थपिएका संक्रमितमध्ये बनेपा नगरपालिकाबाट ३ जना पुरुष र ५ जना महिला, धुलिखेल नगरपालिकाबाट २ जना महिला, नमोबुद्ध नगरपालिकाबाट १ जना पुरुष, पाँचखाल नगरपालिकाबाट १ जना पुरुष र मण्डनदेउपुर नगरपालिकाबाट १ जना पुरुष गरी जिल्लामा आज थप १३ जनामा कोरोना संक्रमण पुष्टि भएको कार्यालयका प्रमुख डा।नरेन्द्र कुमार झाले बताए ।
उनका अनुसार योसँगै जिल्लामा कोरोना संक्रमितको संख्या ३ हजार ७३ पुगेको छ । त्यस्तै कार्यालयका अनुसार जिल्लाका संक्रमितमध्ये २८ सय १० जना संक्रमणमुक्त भएका छन् । काभ्रेमा अहिले २ सय २४ सक्रिय कोरोना संक्रमित रहेका छन् ।
त्यस्तै जिल्लाका ३९ जनाको कोरोना संक्रमणका कारण मृत्यु भएको छ ।
प्रतिक्रिया दिनुहोस