पुष ६, काभ्रे। काभ्रे जिल्लामा आज २२ जना संक्रमित थपिएका छन् । आज थपिएकामध्ये सबैभन्दा धेरै धुलिखेल नगरपालिकाका रहेका छन् ।
जिल्ला स्वास्थ्य कार्यालय काभ्रेका प्रमुख डा नरेन्द्रकुमार झाका अनुसार आज संक्रमण पुष्टि भएका समेत हालसम्म जिल्लामा ३ हजार १८७ जना संक्रमित छन् । नयाँ पुष्टि भएका संक्रमितहरुमा धुलिखेलका १५ जाना, बनेपाका ३, पाँचखालका ३ र महाभारत गाउँपालिकामा १ जना रहेका छन् ।
आज ७ जना निको भएका छन् ।
निको हुनेको संख्या ३ हजार २७ रहेको छ । अब काभ्रेमा सक्रिय संक्रमितको संख्या १ सय १८ जना रहेको छ । जिल्लामा कोरोना संक्रमणबाट ४२ पुरुष र १६ महिला गरी ५८ जनाको मृत्यु भएको छ । जसमध्ये १२ पुरुष र ४ महिला अन्य जिल्लाका रहेका छन् ।
प्रतिक्रिया दिनुहोस