धुलिखेलको श्रीखण्डपुर मा.वि.को १६ कोठे नयाँ भवन निमार्ण हुने

नौलो समाचार संवाददाता
२०७७ फागुन १०, सोमबार मा प्रकाशित १८५ पटक पढिएको



फागुन १०, काभ्रे । काभ्रेको धुलिखेल नगरपालिका वडा नम्बर ५ स्थित श्रीखण्डपुर माध्यमिक विद्यालयको नयाँ भवन निमार्ण हुने भएको छ । नया निमार्ण हुने भवनको आज (सोमबार) नगर प्रमुख अशोक ब्याञ्जुले शिल्यान्यास गरेका हुन् ।

एसियाली विकास बैंक (एडिवी)को सहयोगमा १६ कोठाको चार तल्ले विद्यालय भवन निर्माण हुन लागेको वडा अध्यक्ष गंगासागर रञ्जितकारले जानकारी दिए । उनका अनुसार करिब ८ करोडको लागतमा निमार्ण हुने विद्यालय भवन अपाङ्ग तथा बालमैत्री हुनेछ ।

सम्झौता अनुसार १८ महिनामा निमार्ण कार्य सम्पन्न हुने योजना रहेको वडा अध्यक्ष रञ्जितकारले बताए ।

प्रतिक्रिया दिनुहोस