पनौती जेसीजको शुभकामना तथा चियापान कार्यक्रम, पत्रकार महत सम्मानित

नौलो समाचार संवाददाता
२०७८ बैशाख १, बुधबार मा प्रकाशित १७८ पटक पढिएको

बैशाख १, काभ्रे । पनौती जेसीजले नव वर्ष २०७८को अवसरमा शुभकामना आदानप्रदान तथा चियापान कार्यक्रमको आयोजना गरेको छ । पनौतीस्थित जेसीजको भवनमा आज (बुधबार) आयोजित कार्यक्रममा नव वर्षको शुभकामना आदानप्रदानका साथै व्यक्तित्व सम्मान तथा पनौती जेसीजको भित्तेपात्रो विमोचन गरिएको थियो ।

पनौती जेसीजका वर्ष २०२१ का अध्यक्ष जेसी मिरा गिरीको सभापतित्वमा भएको कार्यक्रममा दश वर्षदेखी संचारकर्ममा क्रियाशिल पत्रकार अशोक महतलाई उक्त क्षेत्रमा पु¥याएको योगदानको कदर गर्दै सम्मान गरिएको छ । साथै पत्रकार महत हालै सम्पन्न नेपाल पत्रकार महासंघ काभ्रेको निर्वाचनमा कार्यसमिती सदस्यमा निर्वाचित भएको अवसरमा बधाई ज्ञापन पनि गरिएको थियो ।

कार्यक्रममा बोल्दै प्रमुख अतिथि पनौती जेसीजका संस्थापक अध्यक्ष जेसी सुरेश सैंजुले नव वर्ष २०७८ को शुभकामनासहित पनौती जेसीज र पनौती जुनियर जेसीजलाई नयाँ वर्षसंगै सक्रिय रुपमा समाजिक कार्यक्रम गर्नका लागि शुभकामना दिनुभयो । उहाँले अध्यक्ष जेसी गिरीको कार्यकालमा राम्रा कार्यहरु भैरहेको भन्दै प्रशंसा गर्नुभयो ।

यस्तै कार्यक्रमका सभापति तथा पनौती जेसीजका वर्ष २०२१का अध्यक्ष जेसी मिरा गिरीले नव वर्षको शुभकामना मनतव्य राख्दै सामाजिक कार्यमा जुनियर जेसीजलाईसंगै लिएर अगाडी बढिरहेको बताउनुभयो । मकरमेला निम्तो, स्मारिका प्रकाशन लगायत विशेष मकर मेलाकालागी लक्षित गरि विभिन्न सामाजिक कार्यक्रम ल्याउने आफुहरुको योजना रहेको जेसी गिरीको भनाई छ । साथै उहाँले नयाँ वर्षको क्यालेन्डर प्रकाशनमा सहयोग गर्ने सबैलाई धन्यवाद दिनुभयो ।

कार्यक्रममा निवर्तमान अध्यक्ष जेसीहरु, वर्तमान जेसी पदाधिकारी, जुनियर जेसीजका पदाधिकारीहरुको उपस्थिती रहेको थियो । महासचिव जेसी पुरुषोत्तम सुबेदीले कार्यक्रम संचालन गर्नुभएको थियो भने कार्यकारी उपाध्यक्ष जेसी आरती सापकोटाले स्वागत मनतव्य राख्नुभएको थियो ।

प्रतिक्रिया दिनुहोस