गायक शाहको ‘ज्यानलाई भो खतरा’ गीत सार्वजनिक (भिडियो)

बैशाख ११, काभ्रे। चर्चित कलाकार, चलचित्र निर्माता तथा गायक बिक्रमजंग शाहको नयाँ गीत ‘ज्यानलाई भो खतरा’ गीत एक कार्यक्रमकाबिच सार्वजनिक भएको छ । लामो समयदेखि कलाक्षेत्रमा सक्रिय शाहको प्रेमिल जोडीको भावना समेटिएको रोमान्टिक यो गीतमा शाहलाई गायिका अन्जु पन्तले स्वरमा साथ दिएका छन् ।

गीतमा लेखु सहयात्रीको शब्द, सुवाष भुषालको संगीत र पुरुषोत्तम सुवेदीको एरेञ्ज रहेको छ ।

मुस्ताङको रमणीय स्थान मार्फा गाउँ र धुम्बा ताल परिसरमा खिचिएको म्युजिक भिडियोमा नायिका शिल्पा पोखरेल र डेब्यु मोडल रविन्द्र रिमालको आकर्षक अभिनय रहेको छ । मनोज केसीको कन्सेप्ट र सम्झना उप्रेती रौनियारको निर्देशन रहेको गीतको भिडियोमा गोबिन्द राईको नृत्य रहेको छ ।

कर्णप्रिय गीतको भिडियोमा रामेश्वर हुमागाईंले छायांकन गरेका छन् भने भरत रेग्मीको सम्पादन तथा रंग संयोजन रहेको छ । भिडियोमा सिता तामाङ केसीले श्रृङ्गार, राजेन्द्र कमल राईले ड्रेस डिजाइन र सुन्दर श्रेष्ठ (आइडियल)ले पोस्टर डिजाइन रहेको छ ।

गायक शाहको जन्मदिनको दिन सार्वजनिक गीतको भिडियोलाई सबस्त ईन्टरटेनमेन्टको युट्युब च्यानलबाट सार्वजनिक गरिएको छ । नयाँ वर्ष २०७८ को शुभकामना सहित सार्वजनिक गीति भिडियो आफ्नो नविनतम र फरक स्वादको रहेको शाह बताउँछन् ।

टिकटक प्रयोगकर्ताको लागि अवसर ‘ज्यान भो खतरा’ बोलको गीतले टिकटक प्रयोगकर्ताको लागि सुवर्ण अवसर ल्याएको छ । गायक बिक्रम जंग शाहका अनुसार यो गीतमा उत्कृष्ट टिकटक बनाउनेहरु मध्येबाट एक जनालाई गीतको दोस्रो भागमा मोडलिङको अवसर दिइनेछ । यो सुवर्ण अवसर प्राप्त गर्नलाई यो गीतमा टिकटक बनाएर ह्याजट्याग ‘ज्यानलाई खतरा’ लेखेर पोस्ट गर्नु पर्नेछ ।

हेर्नुहोस् भिडियो :-