असार २०, काठमाडौं। चालु आर्थिक वर्षको ११ महिनाको अवधिमा १ अर्ब बढीको लसुन आयात भएको छ।
भन्सार विभागका अनुसार चालु आवको जेठ मसान्तसम्ममा १ अर्ब २ करोड ६८ लाख ४१ हजार रुपैयाँ बराबरको लसुन आयात भएको हो ।
नेपालमा छिमेकी दुई मुलुक भारत र चीनबाट लसुन आयात हुने गरेको छ । यी दुई देशबाट चालु आवको ११ महिनामो अवधिमा ९ हजार ७७२ टन लसुन भित्रिएको छ ।
नेपालमा सबैभन्दा बढी चीनबाट लसुन आयत भएको विभागले जनाएको छ । जेठमसान्तसम्मा चीनबाट १ अर्ब १ करोड ६४ लाख ८४ हजार रुपैयाँ बराबरको लसुन नेपाल आएको छ । उक्त अवधिमा ९ हजार ६४८ टन लसुन चीनबाट आयात भएको हो ।
यस्तै, सोही अवधिमा भारतबाट १ करोड ३ लाख ५६ हजार रुपैयाँ बराबरको लसुन आयत भएको छ । चालु आवको ११ महिनाको अवधिमा भारतबाट १२३ टन बढी लसुन नेपाल आएको विभागले जनाएको छ ।
जेठ मसान्तसम्ममा लसुन आयतबाट सरकारले २५ करोड ७८ लाख ८० हजार रुपैयाँ राजस्व प्राप्त गरेको छ ।
प्रतिक्रिया दिनुहोस