किसानको गोठ मै पुगेर पनौती नगरले मनायो ‘विश्व पशुपन्क्षी दिवस’

असोज १८, काभ्रे। पनौती कृषि तथा पशुपन्क्षी शाखाले विश्व पशुपन्क्षी दिवस मनाएको छ । शाखाले किसानको गोठ मै पुगेर सोमबार विश्व पशुपन्क्षी दिवस मनाएको थियो ।

पनौती नगरपालिका वडा न ८ मा रहेको मल्पी पशुपालन कृषक समूहको पशुपालन फर्ममा पुगेर विश्व पशुपन्क्षी दिवस मनाएको पनौती कृषि तथा पशुपन्क्षी शाखाका प्रमुख मणिप्रसाद सापकोटाले जानकारी दिनुभयो । किसान कै गोठमा पुगेर विश्व पशुपन्क्षी दिवस मनाऔ भनेर मनाएका हौँ । उहाँका अनुसार उक्त वैदेशिक रोजगारीबाट फर्किएका २२ जना इन्जिनियर पाँच जना लगायत ३० युवाको सहभागितामा सञ्चालन रहेको छ । उक्त फर्ममा १८ भैँसी एक गाई, ११ वटा पाडापाडी रहेका छन ।

उक्त कार्यक्रममा पनौती नगरपालिकाका प्रमुख भीम न्यौपानेको प्रमुख आतिथ्यता रहेको थियो । नगर प्रमुख न्यौपानेले मुलुकलाई समृद्ध बनाउने हो भने कृषि र पशुपालनलाई राज्यले ध्यान दिनु पर्नेमा जोड्दिनुभयो । अबको समय भनेको काम गरेर खानेको हो, नगरप्रमुख न्यौपानेले भन्नुभयो, जुन काम गरेका छौँ, त्यही काममा निरन्तता दिन सक्नुपर्छ ।

कार्यक्रममा पनौती नगरपालिकाका प्रमुख प्रशासकीय अधिकृत रामप्रसाद वाग्ले, वडा न ८ का वडा अध्यक्ष केशव बन्जारा, सञ्चारकर्मी मधुसुधन गुरागाई, मल्पी पशुपालन कृषक समूहका अध्यक्ष भीमसेन बस्नेत लगातयले विश्व पशुपन्क्षी दिवसको शुभकामना दिनुभएको थियो ।