फागुन ४, काभ्रे। काभ्रेमा नेपाल बन्दको खासै असर छैन। एमसीसीको विरोधमा ६ दलीय गठबन्धनले आज नेपाल बन्दको घोषणा गरे पनि काभ्रेमा सामान्य रुपमा चलिरहेका छन्।
काठमाडौंमा पनि ६ वटा विभिन्न कम्युनिष्ट घटन राजनीतिक दलहरुले आज नेपाल बन्दको असर निकै नै कम परेको छ। अरनिको र बीपी राजमार्गमा सवारी साधन निर्वाध रुपमा चलेका छन् ।
सदरमुकाम धुलिखेलमा बन्दकर्ताहरु एक जना पनि सडकमा देखिँदैनन् । त्यस्तै सुरक्षा कर्मीको उपस्थिति पनि खासै छैन् । बनेपामा पनि बन्दकर्ता देखा परेका छैनन् ।
बन्दको पूर्व सन्ध्यामा ६ दलीय गठबन्धनले हिजो साँझ बनेपामा मसाल जुलुस निकालेको थियो । जुलुसलाई प्रहरीले तिरविर पार्ने कोशिस गरेको थियो ।
एमसीसी आज सदनमा टेबल गर्ने भएपछि त्यसको विरोधमा नेपाल बन्दको घोषणा गरिएको ती दलले बताएका छन् । नेपाल कम्युनिष्ट पार्टी, नेकपा (क्रान्तिकारी माओवादी), देशभक्त जनगणतान्त्रिक मोर्चा नेपाल, नेकपा, बैज्ञानिक समाजवादी कम्युनिष्ट पार्टी नेपाल र नेकपा माओवादी केन्द्र समाजवादी पार्टीले नेपाल बन्दको आब्हान गरेको हो ।
प्रतिक्रिया दिनुहोस