बैशाख १२, काभ्रे। सबै दलहरुको नजरमा रहेको पनौती नगरपालिकाको मेयर पदका लागि भिम न्यौपानेले दोश्रो कार्यकालका लागि मनोनयन दर्ता गराउनु भएको छ।
नेकपा एमालेको तर्फबाट न्यौपानेले आफ्नो उम्मेद्वारी दर्ता गराउनुभएको हो।
यस्तै एमालेबाटै पुर्व उपमेयर गीता बन्जाराले पुन: उपमेयर पदकै लागि आफ्नो मनोनयन दर्ता गराउनुभएको छ।
पनौती नगरपालिकामा रहेको निर्वाचन अधिकृतको कार्यालयमा उहाँहरुले मनोनयन दर्ता गराउनुभएको हो।
मनोनयन पुर्व उल्लेख्य एमालेका नेता तथा कार्यकर्ताहरुले उम्मेदवारसहित पनौती नगर बजार क्षेत्र परिक्रमा गरेको थियो।
पनौती नगरको संस्कृति झल्कने बाजागाजा र नृत्य सहित मनोनयन दर्ता गराउन नगरपालिका पुगेको थियो।
समृद्ध पनौती निर्माणको अभियानलाई सार्थक बनाउन आफु पुन: मेयर पदका लागि उम्मेद्वारी दर्ता गरेको न्यौपाने बताउनु भएको छ।
बैशाख ३० गते हुने स्थानीय तह निर्वाचनको लागि आईतबारदेखि सुरु भएको मनोनयन दर्ता प्रकिया सम्पन्न भएको छ।
जिल्लाका अन्य पालिकासंगै पनौतीको चुनावी माहोल तातिएको छ।
प्रतिक्रिया दिनुहोस