माघ २७, काभ्रे। काभ्रेमा आजदेखि पासपोर्टको लागि अनलाईन फारम प्रत्येक दिनका लागि खुल्ला गरिएको छ।
सेवाग्राहीहरुको थप सहजताका लागि प्रत्येक दिन Appointment Date सार्वजनिक विदाको दिन बाहेक दिउसो २ बजेदेखि अग्रिम बुकिङ्ग खोलिएको सहायक प्रमुख जिल्ला अधिकारी महेशकुमार पोखरेलद्वारा जारी सूचनामा जनाईएको छ।
बिगतका बर्षमा हप्ताको दुई दिन (मंगलबार र शुक्रबार) मात्र विधुतीय राहदानी (ई-पासपोर्ट) को लागी आवेदन खुल्ने हुदा सेवाग्राही मर्कामा परेका थिए।
जारी सूचनामा विधुतीय राहदानीको अनलाईन फारम भर्दा धेरै त्रुटीपूर्ण विवरणहरु भर्ने गरिएको, आवश्यक कागजातहरु अपलोड नगरिएको, सम्बन्धित आवेदक भन्दा फरक व्यक्तिको विवरण कागजातहरु अपलोड हुनेहुँदा अनलाइन फारम भर्दा सहि, स्पष्ट विवरण र आवश्यक कागजातहरु समेत अपलोड गरिदिन सेवाग्राहीलाई आग्रह गरिएको छ।
Appointment Date जुन दिन हो सोही दिनमा मात्र आवश्यक कागजात सहित उपस्थित हुन सेवाग्राहीलाई आग्रह गरिएको छ।
साथै राहदानी बनाउन आउँदा पहेलो र घाँटी छोप्ने कपडा नलगाउने, गरगहना नलगाउने र श्रृङ्गार नगरी आउन समेत सूचनामा अनुरोध गरिएको छ।
जिल्ला प्रशासन कार्यालय काभ्रेद्वारा जारी सूचना:-
प्रतिक्रिया दिनुहोस