श्रीमानको कुटाईबाट घाइते वडा सदस्यको मृत्यु

जेठ ३२, काभ्रे। नमोबुद्ध नगरपालिकामा श्रीमानको कुटाइबाट दलित महिला वडा सदस्यको मृत्यु भएको छ ।

नमोबुद्ध नगरपालिका वडा नम्बर ११ मा श्रीमानको कुटाइबाट घाइते भएकी वडा सदस्य ज्ञानीमाया विकको उपचारको क्रममा धुलिखेल अस्पतालमा मृत्यु भएको हो ।

विकको हत्या गरेको अभियोगमा उनका पति सम्भु विकलाई प्रहरीले पक्राउ गरेको छ । मंगलवार राति श्रीमानको कुटाइबाट मरणासन्न भएकी ज्ञानीमायाको धुलिखेल अस्पतालमा बुधवार राति निधन भएको प्रहरीले जनाएको छ ।

उनी दोस्रो कार्यकालका लागि दलित महिला वडा सदस्यमा निर्वाचित भएकी थिइन् ।