धुलिखेल\ वी.पी राजमार्गमा मोटरसाइकललाई ठक्कर दिएर भागेको गाडी दुर्घटना हुँदा १ जनाको मृत्यु भएको छ ।
पनौती नगरपालिका ५ सुन्दरबस्तीमा काठमाण्डौबाट इलाम जादै गरेको बा ६४ प १७७२ नम्बरको मोटरसाइकललाई सोही दिशाबाट रामेछाप जाँदै गरेको बा.प्र. ०३–००१ ज ०२९८ नं.को ईलेक्ट्रोनिक गाडिले ठक्कर दिई भाग्ने क्रममा गाडी नालीमा खसेको थियो । दुर्घटनामा गम्भीर घाइते भएकी मन्थली नगरपालिका वडा नं १२ बस्ने अन्दाजी बर्ष २० की रमिला बुढाथोकीको मृत्यु भएको जिल्ला प्रहरी कार्यालय काभ्रेका सूचना अधिकारी रहेका प्रहरी नायव उपरिक्षक (डिएसपी) राजकुमार श्रेष्ठले जानकारी दिए ।
घटनामा थप ८ जना घाइते छन् । मोटरसाइकल, गाडी र चालक पनौती वडा नं ५ बस्ने ४१ बर्षीय उपेन्द्र थापा प्रहरीको नियन्त्रणमा रहेको पनि डिएसपी श्रेष्ठले जानकारी दिए ।
प्रतिक्रिया दिनुहोस