भकुण्डेवेशी\ नेपाली कांग्रेस नमोबुद्ध वडा नं ३ कार्यसमितिले दशैं, तिहार, नेपाल सम्बत तथा छठपर्वको अवसरमा शुभकामना आदान-प्रदान तथा चियापान गरेको छ ।
कोजाग्रत पूर्णिमाको दिन वडा नं ३ स्थित दाहालचौरमा कार्यक्रम गरेर कांग्रेसले शुभकामना आदान-प्रदान तथा चियापान गरेको हो ।
नमोबुद्ध नगरपालिका प्रमुख समेत रहेका नेपाली कांग्रेस नमोबुद्धका सभापति कुनसाङ लामाले वडा नं ३ मा नगरबाट विकास निर्माणका धेरै काम भएको भन्दै नगरमा नै धेरै विकास निर्माणका काम भएको बताए ।
कार्यक्रममा नेपाली कांग्रेस क्षेत्र नं १ (क) का सहसचिव गोकुल भुर्तेल, नमोबुद्ध नगर कार्यसमिति उपसभापति इन्द्रबहादुर दाहाल, कृष्ण लामा, सचिव रामेश्वर अधिकारी, महेन्द्र थिङ, नगर प्रवक्ता रहेका वडा नं ६ का अध्यक्ष टिकाबहादुर केसी, वडा अध्यक्ष समेत रहेका कांग्रेस नमोबुद्धका सहसचिव रमेश तिवारी, पूर्व जिल्ला सदस्य विष्णु भुर्तेल, वडा नं ७ का सभापति चन्द्रबहादुर लामा, २ नं वडाका सभापति रामहरी आचार्य, विश्व हिन्दु महासंघ प्रदेश सदस्य केदार पौड्याल, काभ्रे जिल्ला अध्यक्ष प्रविण धिताल, वडा नं ३ का सदस्य रेशम दाहाल, वडा नं ३ का कांग्रेस सभापति मुरारी पौड्याल, सचिव विनोद भुर्तेल लगायतले शुभकामना व्यक्त गर्दै पार्टी संगठनको बारेमा चर्चा गरेका थिए ।
नेपाली कांग्रेस साविक मेथिनकोट गाविसका पूर्व सभापति रहेका जेष्ठ सदस्य लेखनाथ हुमागाईले सबै सहभागीलाई टिका, जमरा प्रदान गरेका थिए ।
कार्यक्रममा विभिन्न तहका कांग्रेस नेता, कार्यकर्ता, कृयाशिल सदस्य र शुभेच्छुकको उपस्थिती थियो ।
प्रतिक्रिया दिनुहोस