सयपत्री प्रतिष्ठानले गर्यो मानव कल्याण समाजलाई सहयोग

शंखु\ धुलिखेल–१२, शंखुपाटीचौरमा मानव कल्याण समाजले सञ्चालन गरेको सेवा घरलाई सयपत्री प्रतिष्ठान नेपालले सहयोग गरेको छ ।

प्रतिष्ठानका संस्थापक अध्यक्ष कृष्णकुमार केसीको सातौं स्मृती दिवसमा कार्यक्रम गरेर प्रतिष्ठानले १६ हजार २ सय ३८ रूपैयाँको जिन्सी सामान, २८ हजार ८ सय रूपैयाँ को खाद्यान र ३४ हजार ५ सय ७५ रूपैयाँ नगद गरी ७९ हजार ६ सय ३ रूपैयाँ सहयोग प्रदान गरेको प्रतिष्ठानका अध्यक्ष राजेन्द्र श्रेष्ठले जानकारी दिए ।

सहयोग हस्तान्तरण कार्यक्रममा वरिष्ठ साहित्यकार मोहन दुवाल, प्रतिष्ठानका सल्लाहकार त्रिरत्न रञ्जित, बनेपा वडा नं १३ का पूर्व वडा अध्यक्ष सुर्यनारायण नापित, मानव कल्याण सेवा समाजकी दिपिका मानक लगायत उपस्थित थिए ।

सडकपेटी तथा सार्वजानिक स्थानहरूमा कष्टकर जीवनयापन गर्न विवश अशक्त, अपाङ्ग र मनोरोगी बेबारिसे व्यक्तिहरूलाई समाजले सेवा घरमा आश्रय दिइरहेको छ ।