नमोबुद्ध \ नमोबुद्ध नगरपालिका वडा नं ९ स्थित लामाडाँडामा १५ फिट अग्लो बुद्ध मुर्ति निर्माण थालिएको छ ।
वडा कार्यालयको २ लाखका साथै अन्यको सहयोगबाट बन्ने बुद्ध मुर्ति निर्माण शिलान्यास नमोबुद्ध नगरप्रमुख कुनसाङ लामाले गरे ।
लामा गुरु कर्म वाङगेल र मान लामा लगायतले पूजापाठ गरेका थिए ।
नगर प्रमुख लामाले मुर्ति निर्माणसँगै सो क्षेत्रको ऐतिहासिक महत्वका साथै पर्यटन प्रवद्र्धन हुने विश्वास व्यक्त गरे ।
नेपाली कांग्रेस काभ्रेका प्रवक्ता समेत रहेका स्थानीय समाजसेवी सन्तमान तामाङले मुर्ति निर्माणको लागि १ लाख १ हजार सहयोग गरेका छन् ।
मुर्ति निर्माणको लागि अन्य व्यक्तिहरुले पनि सहयोगको प्रतिवद्धता गरेको वडाअध्यक्ष बिरबहादुर लामाले जानकारी दिए ।
शिलान्यास कार्यक्रममा नगर युवा परिषद्का कार्यकारी उपाध्यक्ष रामेश्वर अधिकारी, जनप्रतिनिधीहरुको उपस्थिती थियो ।
सोही स्थानमा नगरपालिका र वडाको पहलमा पुरातत्व विभागमार्फत विनियोजित २५ लाख लागतमा माने र स्तुपा निर्माण भइरहेको वडाअध्यक्ष लामाले जानकारी दिए ।
प्रतिक्रिया दिनुहोस