अरनिको राजमार्गमा पहिरोका कारण अवरुद्ध ५० किलो खण्ड एकतर्फी सञ्चालनमा आयो

पाँचखाल/ पाँचखाल नगरपालिका वडा नम्बर ८ स्थित ५० किलोमा पहिरोको कारण अवरुद्ध अरनिको राजमार्गको सडक खण्ड एकतर्फी सञ्चालनमा आएको छ ।

सोमबार राती साढे ९ बजेतिर खसेको पहिरोका कारण राजमार्ग पूर्ण रुपमा अवरुद्ध थियो ।

प्रहरी, स्थानीयको सहयोगमा पहिरो पन्छाएपछि एकतर्फी सञ्चालनमा आएको जिल्ला प्रहरी कार्यालय काभ्रेका प्रवक्ता समेत रहेका प्रहरी नायव उपरिक्षक (डिएसपी) राजकुमार श्रेष्ठले जानकारी दिए ।