धुलिखेल / स्वीस दुतावासको सहयोगमा धुलिखेल अस्पतालको प्रयोगशालामा अत्याधुनिक प्रविधीको मेसिन सञ्चालनमा ल्याइएको छ ।
दुतावास र डाइग्नोटेक सपोर्ट प्रा.लिको सहयोगमा प्रयोगशालामा रोच इन्टिग्रेटेड कोवास पियोर सिस्टम प्रयोगमा ल्याइएको हो ।
स्वीस राजदुत दानियाल म्याउलीले अस्पतालका संस्थापक एवं कार्यकारी निर्देशक प्रा.डा. रामकण्ठ माकजुलाई अत्याधुनिक प्रविधी भएको मेसिन हस्तान्तरण गरिन् ।
उक्त प्रविधी र मेसिनको प्रयोगले रोग निदान सहज, छिटो हुनुका साथै धेरै परिमाणमा परिक्षण गर्न सकिने प्रयोगशालाका डा. ज्योति तखाँक्षेले जानकारी दिए । उनका अनुसार, हृदयघात, गर्भवती, बाँझोपना, संक्रमण र यसबाट हुन सक्ने जटिलता, गर्भावस्थामा हुन सक्ने उच्च रक्तचाप लगायत बिषयमा थप परिक्षण हुनेछ ।
कार्यक्रममा राजदुत दानियाल, धुलिखेल नगरपालिका प्रमुख अशोक व्याञ्जु, अीस्पतालका कार्यकारी निर्देशक डा. माकजु, प्रशासकीय निर्देशक डा.विराजमान श्रेष्ठ, डा.अन्जना डंगोल, डाइग्नोटेक सपोर्ट प्रा.लि.का कार्यकारी निर्देशक शुशील थापा लगायतको उपस्थिती थियो ।
प्रतिक्रिया दिनुहोस