धुलिखेल / पर्यटन उद्यमी ज्योत्सना सैंजुको अध्यक्षतामा नेपाली युवा उद्यमी मञ्च काभ्रे शाखा घोषणा गरिएको छ ।
शुक्रवार धुलिखेलमा एक कार्यक्रम गरेर सैंजुको अध्यक्षतामा मञ्चको १४ औं शाखा घोषणा गरिएको होे ।
मञ्चको प्रथम उपाध्यक्षमा आशिष हुमागाई, द्वितीय उपाध्यक्षमा क्षितिज श्रेष्ठ छन् । सदस्यमा हेवेन श्रेष्ठ, जुलिया माकजु श्रेष्ठ, डा.श्रेया श्रेष्ठ, रोहित श्रेष्ठ, अजय थापा, सुशान्त थपलिया, रोजन श्रेष्ठ र श्रीजल रंजित छन् ।
कार्यक्रममा मञ्च पूर्व केन्द्रीय अध्यक्ष सौरभ ज्योतीले युवा उद्यमीमार्फत मुलुकमा आर्थिक समृद्धी सम्भव भएको बताए । युवा पलायन मुलुकको प्रमुख समस्या भएको तर्क गर्दै उनले रोजगारी सिर्जना गर्नु युवा उद्यमीको प्रमुख दायित्व भएको बताए ।
अध्यक्ष कुशलसुन्दर श्रेष्ठले काठमाडौँ, पोखरा, ललितपुर, चितवन, रुपन्देही, सुर्खेत, कैलाली, विरगंज, जनकपुर, विराटनगर, सुनसरी, झापा, नेपालगञ्ज लगायतका विभिन्न जिल्लामा शाखा विस्तार भएर ८ सय ५० भन्दा धेरै युवा उद्यमी आवद्ध भएको जानकारी दिए ।
बनेपा, धुलिखेल, पाँचखाल, पनौती, नमोबुद्ध, मण्डनदेउपुर र आसपासका क्षेत्रका युवा उद्यमी समेटेर उद्यमशीलता विकासमा काम गर्ने काभ्रे अध्यक्ष ज्योत्सना सैंजुले बताइन् ।
प्रतिक्रिया दिनुहोस