नाला / बनेपा नगरपालिका वडा नम्बर ४ नालामा गोविन्द सापकोटाको गोठमा आगलागी हुँदा पशु चौपाया सहित गोठ पुर्ण क्षती भएको छ ।
वुधवार विहान ३ बजे आगलागी हुँदा एउटा गाई जलेको छ भने २ गाई जलेर घाइते भएको जिल्ला प्रहरी कार्यालय काभ्रेका प्रवक्ता समेत रहेका प्रहरी नायव उपरीक्षक (डिएसपि) राजकुमार श्रेष्ठले जानकारी दिए । घाइते पशुलाई उपचारको लागि पठाइएको छ ।
भुसा काट्ने मेसिन, पानि तान्ने पम्प, औषधी, खाद्यान्न, पराल लगायतका सामाग्री नष्ट भएको प्रहरीले जनाएको छ ।
विद्युत सर्ट भइ आगलागी भएको प्रारम्भिक अनुमान छ ।
आगलागीबाट करिव ५ लाख क्षति भएको अनुमान गरिएको छ ।
प्रतिक्रिया दिनुहोस