रोटरी क्लव अफ काभ्रे बनेपाद्वारा भगवती आधारभूत विद्यालयका विद्यार्थीलाई ट्रयाकसुट तथा स्टेशनरी

नमोबुद्ध / रोटरी क्लब अफ काभ्रे बनेपाले नमोबुद्ध नगरपालिका वडा नं ६ स्थित बेलबोटारमा रहेको भगवती आधारभूत विद्यालयका विद्यार्थीलाई ट्रयाकसुट तथा स्टेशनरी उपलब्ध गराएको छ ।

विद्यार्थीहरुमा समभाव श्रृजना गरी नियमित विद्यालय उपस्थिती हुने उत्प्रेरणा जगाउन मद्धत पुगोस् भनि ३० जना विद्यार्थीलाई ट्रयाकसुट तथा स्टेशनरी वितरण गरिएको रोटरी क्लब अफ काभ्रे बनेपाका अध्यक्ष श्यामकुमार तिमल्सिनाले जानकारी दिए ।

कार्यक्रममा रोटरी क्लब अफ काभ्रे बनेपाका अध्यक्ष श्यामकुमार तिमल्सिना, पूर्वअध्यक्षहरु रघुनाथ घिमिरे, रामप्यारी बज्राचार्य बस्नेत, निवर्तमान अध्यक्ष केशव बडाल तथा कार्यसमिति सदस्यहरु, विद्यालय व्यवस्थापन समिति अध्यक्ष प्रेम लामा, अभिभावक तथा स्थानियको उपस्थिती थियो ।