गृहिणी महिला एकल नृत्य प्रतियोगितामा विणु प्रथम

काभ्रे – युनाइटेड फिटनेश एण्ड डान्स सेन्टर बनेपाले आयोजना गरेको गृहिणी महिला एकल नृत्य प्रतियोगितामा पनौतीकी विणु लामा प्रथम भएकी छन् ।

बनेपाकी सुमित्रा देवि श्रेष्ठ द्वितिय र धुलिखेल–५ श्रीखण्डपुरकी सुर्य कमल श्रेष्ठ तृतीय भए ।

प्रथम हुनेलाई १० हजार रुपैंया, द्वितियलाई ७ हजार र तृतीयलाई ५ हजार रुपैंयाका साथै प्रमाण–पत्र र पुरस्कारहरु प्रदान गरियो । जिल्ला समन्वय समितिका प्रमुख दिपककुमार गौतम, युनाइटेड फिटनेश एण्ड डान्स सेन्टरकी सञ्चालक सजिना श्रेष्ठ लगायतले पुरस्कार प्रदान गरियो ।

सडक छेउमा व्यापार, व्यवसाय गरेर जिविकोपार्जन गर्दै आएका ३ महिलालाई ‘नारी सम्मान’ प्रदान गरियो । टेम्पो चालक सुनिता बि.क, सडक छेउमा हरियो मकै पोलेर व्यापार गर्दै आएकी इश्वरी गिरी र डोल्मा तामाङलाई नगद रु ५ हजार रुपैंयाका साथै विभिन्न पुरस्कारहरु प्रदान गरियो ।
्
समाजमा अनुकरणीय कार्य गर्दै ४ जनालाई व्यक्तित्व सम्मान गरिएको थियो । नृत्यकर्मी भुषण भोमी श्रेष्ठ, मोहन तौजले, सुदिप श्रेष्ठ र फोटो पत्रकार भुवन भोछिभोयालाई सम्मान गरिएको हो ।