भकुण्डवेशी / भुमिडाँडा बचत तथा ऋण सहकारी संस्थाले नमोबुद्ध नगरपालिका वडा नं ७, भकुण्डेबेशीमा गरेको कार्यक्रममा ४० जनाले रक्तदान गरेका छन् ।
नेपाल रेडक्रस सोसाइटी काभ्रे शाखाको प्राविधिक सहयोग र नमोबुद्ध नगरपालिकाको समन्वयमा भएको रक्तदान कार्यक्रमलाई जय श्री चामुण्डा सप्लायर्स, उपहार कृषि फर्म र नमोबुद्ध डेली फ्रेसले प्रायोजन गरेको सञ्चालक समिति सदस्य सन्तोषकुमार दाहालले जानकारी दिए ।
नगर प्रमुख कुन्साङ लामाले सहकारीले गरेको सामाजिक कार्यको प्रशंसा गर्दै रगतको अभावमा कसैले मृत्यवरण गर्नुपर्ने स्थिती बन्न नहुने तर्क गरे ।
कार्यक्रममा नमोबुद्ध नगरपालिकाका उपप्रमुख रत्न लामा, नेपाल रेडक्रस सोसाईटी काभ्रे शाखाका रघुनाथ हुमागाई, नमोबुद्ध नगरपालिका वडा नं ७ का अध्यक्ष धर्मसिं लामा, प्रमुख प्रशासकीय अधिकृत शेषकान्त पौडेल, स्वास्थ्य शाखा प्रमुख सुनिल केसी, सहकारीका अध्यक्ष देवराज शाह लगायतको सहभागिता थियो ।
प्रतिक्रिया दिनुहोस