बनेपा / काभ्रे बहुमुखी क्याम्पसमा ‘स्पोर्टस हल’ तयार गरिएको छ ।
बनेपा नगरपालिकाको करिव ४० लाख आर्थिक सहयोगमा क्याम्पसको छत उपयोग गर्दै ‘टेबल टेनिस कभर्ड हल’ निर्माण गरिएको हो ।
‘केएमसी स्पोर्टस हल’ नाम दिइएको हलमा अहिले १० वटा टेबल टेनिस बोर्ड छन् ।
प्रतियोगिता र प्रशिक्षणको लागि हल प्रयोग गरिनेछ ।
बाग्मती प्रदेशका मुख्यमन्त्री बहादुर सिं लामा तामाङले एक कार्यक्रविच स्पोर्टस हल उद्धघाटन गरे ।
मुख्यमन्त्री लामाले खेलकुद क्षेत्रमा लगानी कम भएको स्विकार्दै त्यो क्रमशः बढाउदै लैजाने बताए । उनले सानो उमेरमामा प्रशिक्षण गराउन सके राम्रा खेलाडी उत्पादन गर्न सकिने भन्दै खेलकुदले मानव स्वास्थ्य समेत राम्रो बनाउने बताए ।
प्रदेश सभा सदस्य कञ्चनचन्द्र बादेले काभ्रे क्याम्पसमा स्थापना गरिएको स्पोर्ट्स हल जिल्लाको खेलकुद विकासमा महत्त्वपूर्ण कदम भएको भन्दै कुलतमा फसेका युवालाई सुधार्नको लागी पनि उपयोगी हुने बताए ।
बनेपा नगर प्रमुख शान्तीरत्न शाक्यले खेलकुदको विकासको लागी बनेपा नगरपालिकाले लगानी गर्न खोजेको भन्दै प्रदेशबाट सहयोगको अपेक्षा गरे । नगरपालिकाले टेवल टेनिसको प्रशिक्षण समेत चलाएको भन्दै राष्ट्रिय स्तरका खेलाडी उत्पादन गर्ने दावी गरे ।
उपप्रमुख विमला सापकोटा दाहालले बनेपामा खेलकुदको सम्भावना भएको भन्दै त्यसका लागि पुर्वाधार तयार गर्नुपर्ने बताइन् ।
कार्यक्रममा काभ्रे बहुमुखी क्याम्पस संचालक समितिका अध्यक्ष लम्वोदर कायस्थ, क्याम्पस प्रमुख केजि बैदारले बनेपा नगरपालिकासंग सहकार्यमाकार्यमा क्याम्पसमा स्पोर्ट्स हल सन्चालन गर्न पाएकोमा आभार प्रकट गरे ।
प्रतिक्रिया दिनुहोस