बनेपा / नेकपा माओवादी केन्द्रको कृषक संगठन अखिल नेपाल किसान महासंघ (क्रान्तिकारी) का केन्द्रीय सचिवालय सदस्य बासुदेव उपाध्याय (धिताल) ले नेपाली कांग्रेसको सदस्यता लिएका छन् ।
२०७९ सालको स्थानीय तहको निर्वाचनमा नेकपा माओवादीको तर्फबाट धुलिखेल–११ पात्लेखेतमा वडा अध्यक्षका उम्मेदवार समेत रहेका धितालले कांग्रेस केन्द्रीय कार्यालय सानेपामा सभापति शेरबहादुर देउवाले सदस्यता दिएका हुन् ।
नेपाली कांग्रेस काभ्रेका सभापति तीर्थ लामा, नेपाल किसान महासंघ केन्द्रीय समितिका सभापति गणेशचन्द्र तिमल्सिना, नेपाली कांग्रेस प्रदेश सभा १ (ख) का सहसचिव विनोद तिवारी, नेपाली कांग्रेस धुलिखेल ११ का सभापति नारायण ओझाको उपस्थितीमा उनलाई कांग्रेस प्रवेश गराइएको हो ।
प्रतिक्रिया दिनुहोस