धुलिखेल / धुलिखेल वडा नं ४ मा शुभकामना आदानप्रदानसहित साँस्कृतिक कार्यक्रम गरिएको छ ।
शुभ दीपावली, नेपाल सम्वत् तथा छठ पर्वको अवसरमा धुलिखेल नगरपालिका वडा नं ४ र बखुण्डोल बाल सञ्जालको आयोजनामा कार्यक्रम गरिएको हो ।
बाल सञ्जाल अध्यक्ष रस्मिता तामाङको अध्यक्षतामा वडा कार्यालय प्राङ्गण, बखुण्डोलमा भएको कार्यक्रममा उपस्थित बालप्रतिभाहरुले कलात्मक सांस्कृतिक नृत्यहरु प्रस्तुत गरेका थिए ।
धुलिखेल नगर प्रमुख अशोककुमार व्याञ्जु श्रेष्ठले बालबालिकाहरुले आफ्ना संस्कृति, रितीरिवाज, परम्परा बुझ्नुपर्ने भन्दै वडा र सञ्जालले गरेको प्रयासको प्रशंसा गरे ।
बाल सञ्जालका सञ्जिता तामाङले सञ्चालन गरेको कार्यक्रममा बनेपा नगरपालिका उपप्रमुख विमला सापकोटा दाहाल, धुलिखेल नगरपालिकाका निवर्तमान उपप्रमुख विमला शर्मा, पाँचखाल नगरपालिका वडा नम्वर ५ का अध्यक्ष सिताराम ढुंगाना, बखुण्डोल बुद्धपार्क व्यवस्थापन समितिका अध्यक्ष सत्यमान लामा, सामाजिक जागरण मञ्चका कमल राय, नेपाल पत्रकार महासंघ काभ्रे शाखाका निवर्तमान अध्यक्ष मोतीराम तिमल्सिना, स्थानीय युवा सम्पूर्ण थापा, वडा सदस्य सजना परियार लगायतले सामाजिक सास्कृतिक गतिविधीमा बालबालिकाको सहभागितमा जोड दिएका थिए ।
धुलिखेल नगरपालिका वडा नं ४ का अध्यक्ष उत्तम तिमल्सिनाले बालबालिकालाई प्रोत्साहन दिन र आफ्नो कर्तव्य बुझाउन विभिन्न सामाजिक कृयाकलापमा संलग्न गराउँदै आएको बताए ।
प्रतिक्रिया दिनुहोस