बनेपा / जिल्लामा कृयाशिल ३ सञ्चारकर्मीलाई शब्दयात्रा प्रकाशन बनेपाले सम्मान गरेको छ ।
शुक्रवार बनेपामा आयोजित कार्यक्रममा सञ्चारकर्मीहरु प्रल्हाद शर्मा हुमागाईं, कपिल कोइराला र केशवराज पौडेललाई सम्मान गरिएको हो ।
छापा पत्रकारिता सम्मानबाट प्रल्हाद शर्मा हुमागाईं, विद्युतीय पत्रकारिता सम्मानबाट कपिल कोइराला र फोटो पत्रकारिता सम्मानबाट पत्रकार केशवराज पौडेललाई सम्मान गरिएको हो ।
नेपाल संस्कृत विश्वविद्यालयका पूर्वउपकूलपति कूलप्रसाद कोइराला, शब्दयात्रा प्रकाशनका अध्यक्ष हरि मञ्जुश्री र हरिगोपाल प्रधानलगायतले कदरपत्र प्रदान गर्नुभयो ।
अमृत अधिकारी, पुण्यवती घले र रश्मी हुमागाईंलाई विद्वतवृत्ति सम्मान प्रदान गरिएको छ । काभ्रे बहुमुखी क्याम्पसमा पत्रकारिता विषयमा स्नातक तहमा अध्ययनरत विद्यार्थी अनिशा खत्री र विकलाङ्ग छात्रवृत्ती सम्मान रोशनी खत्रीलाई प्रदान गरियो ।
रश्मी हुमागाईं र रोशन अधिकारीले सम्पादन गर्नुभएको पुस्तक ‘पाठकका आँखामा हरि मञ्जुश्री’, सुदीप अधिकारीद्वारा लिखित ‘नेपालको विविध पृष्ठभूमि र योगदानमा षडानन्द’ पुस्तकको विमोचन पनि गरिएको थियो ।
प्रतिक्रिया दिनुहोस