नमोबुद्ध \ दोस्रो संस्करणको नमोबुद्ध कप सेभेन ए साइड फुटबल प्रतियोगिता शनिबारबाट नमोबुद्ध–१, फूलबारीमा शुरु भएको छ । नमोबुद्ध मानेगाउँ युवा क्लवको आयोजनामा दोस्रो नमोबुद्ध कप सेभेन ए साइड फुटबल प्रतियोगिता शुरु भएको हो ।
नकआउटका आधारमा खेलाइने प्रतियोगितामा १९ टिमको सहभागिता रहेको आयोजक क्लवका अध्यक्ष उत्तरध्वज लामाले जानकारी दिए ।
बाग्मती प्रदेशका पुर्व खानेपानी, उर्जा तथा सिंचाइमन्त्री समेत रहेका प्रदेश सभा सदस्य तीर्थ लामाले प्रतियोगिता उद्धघाटन गरे । उनले खेलकुदमार्फत अनुशासनले नै मानिसलाई सफल बनाउने बताए । उनले उक्त खेलमैदानमा पुर्वाधार विकासको लागि सहयोग गर्ने प्रतिवद्धता जनाएका छन् ।
नमोबुद्ध नगर प्रमुख कुनसाङ लामाले बिपद लगायत अन्य कुरामा केन्द्रित हुनुपर्दा खेल क्षेत्रमा पर्याप्त सहयोग गर्न नसकेको स्वीकार्दै आगामी दिनमा सहयोगको प्रतिवद्धता जनाए ।
रोशी गाउँपालिका अध्यक्ष दिनेश लामाले नेमार, एम्वापे जस्ता चर्चित खेलाडि एकैपटक सफल नभएको भन्दै निरन्तर अभ्यासले सफलता दिने तर्क गरे ।
नमोबुद्ध नगरपालिका वडा नं १ का अध्यक्ष प्रेमबहादुर तामाङ ले सबैको साथ सहयोगले प्रतियोगिता सम्भव भएको भन्दै यसलाई निरन्तर संचालन गर्न सहयोग गर्ने बताए ।
उद्घाटनमा समाजसेवि सन्तमान तामाङ, कृष्ण लामा, भोलाप्रसाद भट्टराई, आयोजक क्लबका अध्यक्ष उत्तरध्वज लामा, नवेश तामाङ लगायतले खेल क्षेत्रबारे चर्चा गरेका थिए ।
प्रतिक्रिया दिनुहोस