शंखुपाटीचौर – नेपाली कांग्रेस शंखुपाटीचौरले गरेको कार्यकर्ता भेला तथा वनभोज कार्यक्रममा एमाले लगायत विभिन्न पार्टी परित्याग गरी नेपाली कांग्रेस प्रवेश गरेका छन् ।
देविस्थानमा वनभोजसहित आयोजित कार्यक्रममा एमालेका मेघसुधार श्रेष्ठ, राजेश श्रेष्ठ, सिद्धिनारायण श्रेष्ठ, माओवादीका कैलाश बस्नेत, सविना थापा लगायत २६ जना नेता कार्यकर्ताले पार्टी परित्याग गरी नेपाली कांग्रेसको सदस्यता लिएका हुन् । नेपाली कांग्रेसका केन्द्रीय सदस्य शिवप्रसाद हुमागाई, जिल्ला सभापति तीर्थ लामासहितका नेता कार्यकर्ताले उनीहरुलाई पार्टीमा स्वागत गरेका थिए ।
कार्यक्रममा जिल्ला सचिव माधव ढकाल, महासमिति सदस्य जितेन्द्रमान तामाङ (दावा लामा), सार्कीमान बल, महाधिवेशन प्रतिनिधी महेश पौडेल, जिल्ला सदस्य निराजन जंगम, प्रदेश सभा क्षेत्र नं १ (ख) का सभापति चन्द्रबहादुर लामा, २ (क) का सभापति हेमकुमार तामाङ, धुलिखेल नगर सभापति विदुरबहादुर वस्नेत, नेता राकेश तामाङ, माधव थापा, नेपाली कांग्रेस प्रदेश सभा क्षेत्र नं १ (ख) – काठमाडौं सम्पर्क समितिका सभापति उत्तम राजभण्डारी, नेपाली कांग्रेस धुलिखेल वडा नं १२ का उपसभापति कुमार तामाङ लगायतले पार्टी संगठनमा जोड दिँदै आगामी निर्वाचन जित हासिल गर्नूपर्ने तर्क गरे ।
पार्टीका साथीहरुविच एकता, भाइचारा र सद्भावका लागि गरिएको कार्यक्रममा २ सय ५० भन्दा बढीको उपस्थिती रहेको कार्यक्रम संयोजक उत्तम राजभण्डारीले जानकारी दिए ।
कार्यक्रममा पार्टीमा योगदान दिने विभिन्न व्यक्तित्वहरुलाई सम्मान गरिएको थियो ।
प्रतिक्रिया दिनुहोस