भकुण्डेवेशी / नेपाली कांग्रेस नमोबुद्ध नगर कार्यसमितिले दुई दिवसीय प्रशिक्षण दिएको छ ।
नमोबुद्व नगरपालिका कार्यसमिति, भातृ तथा शुभेच्छुक संस्था, क्षेत्रीय प्रतिनिधी, वडा कार्यसमितिका पदाधिकारी र जनप्रतिनिधी समेतलाई नेपाली कांग्रेसले प्रशिक्षण दिएको हो ।
केन्द्रीय नीति, अनुसन्धान तथा प्रशिक्षण प्रतिष्ठानका प्रशिक्षण निर्देशक डा. कृष्णप्रसाद पौडेलले स्थानीय तह, योजना र विकासः नेपाली कांग्रेसको भुमिका बिषयमा र अनुसन्धानतर्फका निर्देशक डा. सञ्जय महतो थारुले संगठन विस्तारमा प्रविधिः प्रचार–प्रसार रणनीतिका बारेमा प्रशिक्षण दिएका थिए । नेपाली कांग्रेस काभ्रेका उपसभापति रमेशप्रसाद हुमागाई, प्रतिनिधी सभा क्षेत्र नं १ का सभापति दिनेश लामा, जिल्ला सदस्य शान्ति लक्ष्मी श्रेष्ठ लगायतका नेपाली कांग्रेसको इतिहास, संगठन र समसामयिक राजनीतिका बारेमा प्रशिक्षण दिएका थिए ।
नगर सम्मेलनसहितको प्रशिक्षण कार्यक्रम नेपाली कांग्रेस काभ्रेका सभापति तीर्थ लामाले गरेका थिए । उनले संगठित र प्रशिक्षित कांग्रेस नै अहिलेको आवश्यकता भएको भन्दै प्रशिक्षण आयोजना गरेकोमा आभार प्रकट गरे ।
नेपाली कांग्रेस नमोबुद्ध नगर कार्यसमितिका सभापति एवं नगर प्रमुख कुनसाङ लामाले संगठन निर्माण र कार्यकर्तामा उत्साह र परिपक्वताको लागि बेला – बेलामा प्रशिक्षण आयोजना गरेको बताए ।
प्रतिक्रिया दिनुहोस