मंसिर ८, काभ्रे। काभ्रेको निर्वाचन क्षेत्र नम्बर १ र २ को मत गणना जारी रहेको छ। प्रतिनिधिसभा काभ्रे क्षेत्र नम्बर-२ तर्फ एमालेले अग्रता लिएको छ।
काभ्रे क्षेत्र नम्बर २ मा नेकपा एमालेका उम्मेदवार गोकुल बाँस्कोटाले लोकतान्त्रिक बाम गठबन्धनका शिवप्रसाद हुमागाईंसंगको अग्रता १ हजार भन्दा माथि पुर्याउनु भएको छ।
बेथानचोक, पनौती, बनेपा, भुम्लु, र मण्डन १ र २ वडाको मतगणना भैसक्दा गोकुल बास्कोटाको मत २४ हजार १०८ रहेको छ भने शिवप्रसाद हुमागाईंको २२ हजार ९७२ रहेको छ। उहाँहरुविचको मतान्तर १ हजार १३६ रहेको छ। पनौती क्षेत्रको मत गणना सुरु भएपछी बास्कोटाको मत एकाएक बढेको देखिएको छ।
यस्तै, राष्ट्रिय स्वतन्त्र पार्टी दिनेश हुमागाईले ६ हजार ५८३ मत प्राप्त गर्नुभएको छ।
काभ्रे-२ मा सुरूआतदेखि नै कांग्रेसका हुमागाईं र एमालेका बाँस्कोटाबीच कडा प्रतिस्पर्धा देखिएको छ।
प्रतिक्रिया दिनुहोस