टिपरले किचेर एक जनाको मृत्यु, अरनिको राजमार्ग अवरुद्ध

पाँचखाल \ मोटरसाइकल र स्कुटर एक आपसमा ठोक्किएर सडकमा बजारिएका मोटरसाइकल चालकलाई टिपरले किच्दा पाँचखालमा एकजनाको मृत्यु भएको छ ।
पाचखाल नगरपालिका–६, चामुण्डा पेट्रोल पम्प नजिकै साँझ ६ः४० बजेतिर पाँचखालबाट धुलिखेलतर्फ आउँदै गरेको बा ७२ प ९७६२ नं. को मोटरसाइकल र विपरीत दिशाबाट आउँदै गरेको बा. प्र.०२–०२४ प २५०१ नं. को स्कुटर एक आपसमा जुधेका थिए । ठक्करपछि सडकमा पुगेका मोटरसाइकल चालक ५० वर्षीय नारायण तिमल्सिनालाई पाँचखालबाट धुलिखेलतर्फ आउँदै गरेको बा.प्र.०१–००४ क २३२८ नम्बरको टिपरले किच्दा उनको उनको घटनास्थलमै मृत्यु भएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक राजकुमार श्रेष्ठले जानकारी दिए ।

यता, मृतकका आफन्त शव उठाउन दिएका छैनन् । शव अरनिको राजमार्गमा नै राखेर सवारी साधन अवरुद्ध भएको छ ।