सकियो बनेपा महोत्सव, ५० हजार भन्दा बढीले अबलोकन गरे

बनेपा\ बनेपास्थित उग्रेश्वर मन्दिर परिसरमा भएको ‘बनेपा महोत्सव–२०८०’ सकिएको छ । ५० हजार भन्दा बढीले महोत्सव अबलोकन गरेको मिडिया संयोजक कौशलराज खड्काले जानकारी दिए ।

‘हाम्रो अभियान, खेलको शान,संस्कृति र समृद्वि बनेपाको पहिचान’ भन्ने नारा दिएर बनेपा ब्वाइज क्लब (बीबीसी)ले असोज १९ देखि कार्तिक ४ गतेसम्म महोत्सव आयोजना गरेको थियो ।

बाग्मती प्रदेशका खानेपानी, उर्जा तथा सिंचाईमन्त्री तीर्थबहादुर लामाले उद्धघाटन गरेको महोत्सव जिल्ला समन्वय समितिका प्रमुख दिपककुमार गौतमले समापन गरे ।

महोत्सवमा बिभिन्न विधाका खेलकुद, गायन, नृत्य, धिमे बाजा प्रतियोगिता आयोजना गरिएको थियो प्रत्येक दिन राष्ट्रियस्तर तथा स्थानीय कलाकारहरू सांस्कृतिक प्रस्तुती राखेका थिए ।