नमोबुद्ध\ भकुण्डेवेशीमा देउसी भैलो खेलेर संकलित १६ लाख मध्येबाट ७ लाख रुपैयाँ प्रधानमन्त्री दैवी प्रकोप राहत कोषमा जम्मा गरिएको छ ।
नमोबुद्ध नगरपालिका वडा नं ४ मा रहेको जनक माध्यमिक विद्यालय, जनक बहुमुखी क्याम्पस, नमोबुद्ध नगर पतञ्जली योग समिति र भकुन्डेबेशी जेसीजले देउसी भैलो खेलेर संकलित १६ लाख २५ हजार ३६० रुपैयाँ रकम जम्मा गरिएको थियो ।
तीनवटै आयोजक संस्थाका पदाधिकारीहरुले सोमबार प्रधानमन्त्रीलाई भेटेर चेक हस्तान्तरण गरेका हुन् ।
बाकी रकम मध्येबाट ७ सय ५० थान ज्याकेट र टोपी जाजरकोट र रुकुम पश्चिमका भूकम्पपीडितलाई पठाइने जनक माध्यमिक बिद्यालय व्यवस्थापन समितिका अध्यक्ष भरत दाहालले जानकारी दिए ।
नमोबुद्ध नगरपालिका वडा नं. २ चिस्यान बुचाकोट, नमोबुद्ध नगरपालिका वडा नं. ७ नौबिसे र भकुन्डे बजारमा देउसी भैलो खेलिएको थियो ।
नमोबुद्ध नगर प्रमुख कुन्साङ लामाले व्यक्तिगत रुपमा १ लाख १ हजार सहयोग गरेका थिए । अन्य संघसस्था र व्यक्तीले सहयोग गरेका थिए ।
प्रतिक्रिया दिनुहोस