बनेपा\ बुडोलस्थित रेयुकाइ एइको मासुनागा आँखा अस्पतालमा नवनिर्मित ओपीडि (बहिरंग) कक्ष संचालनमा आएको छ ।
सेवाग्राही चाप र मागको आधारमा अस्पतालले नयाँ कक्षबाट सेवा सुरु गरेको अस्पतालका महासचिव हिरामणि शर्माले जानकारी दिए ।
अस्पतालका मेडिकल निर्देशक डा. रुची श्रेष्ठका अनुसार, ५ जना नेत्ररोग विशेषज्ञसहितको स्वाथ्य जनशक्तिले दैनिक ४ सय जनासम्मलाई आँखा सम्बन्धी विभिन्न सेवा दिरहेको छ ।
उनका अनुसार, २०६३ फागुनयता अस्पतालले १० लाख भन्दा बढीलाई सेवा दिइसकेको छ ।
संघीय सरकारका स्वास्थ्य तथा जनसंख्यामन्त्री मोहनबहादुर बस्नेतले कक्ष उद्धघाटन गरे ।
रेयुकाइ एइको मासुनागा आँखा अस्पताललेले बनेपाका अलावा ढल्केवर शाखा, भकुण्डेबेशी, खाडीचौर र जनकपुर आँखा उपचार केन्द्रमार्फत सेवा दिइरहेको छ ।
प्रतिक्रिया दिनुहोस