बनेपा– बनेपास्थित शिर मेमोरियल अस्पतालमा अत्याधिक रक्तश्राव भएर एक सुत्केरीले ज्यान गुमाएकी छिन् ।
साउन ९ गते अस्पताल भर्ना भएकी बनेपा नगरपालिका वडा नं ३ की ३२ बर्षीय इश्वरी सुन्दास ११ गते नर्मल डेलिभरी भइ छोरा जन्म दिएकी थिइन् ।
सुत्केरीपश्चात रक्तश्राव नरोकिएपछि उनको पाठेघरको अप्रेशन गरी सघन उपचार कक्ष (आइसियु) मा राखेर उपचार भइरहेकोमा ११ गते राती ११ बजेर ५५ मिनेटमा चिकित्सकले मृत घोषणा गरेका थिए ।
अस्पालको लापार्वाहीका कारण सुत्केरीको ज्यान गएको भन्दै पीडितका आफन्तले आइसियुको ढोकामा तोडफोड प्रयास गरेका थिए ।
पीडित पक्ष र अस्पतालबीच राती नै वार्ता भएपनि सहमति हुन नसकेको र शनिवार पुनः वार्ता बस्ने तय भएको प्रहरीले जनाएको छ ।
प्रतिक्रिया दिनुहोस