दाप्चा / नेपाल रेडक्रस सोसाइटी डराउनेपोखरी उपशाखाले बाढी र पहिरो प्रभावितलाई राहतस्वरुप न्यानो कपडासहितका सामाग्री वितरण गरेको छ ।
नेपाल रेडक्रस सोसाइटी काभ्रे शाखामार्फत प्राप्त ३० थान कम्बल, म्याट्रेस, त्रिपाल लगायत सामाग्री वितरण गरिएको हो ।
जिल्ला शाखाका कार्यसमिति सदस्य बिलबहादुर श्रेष्ठ, उपशाखा सभापति नविन अधिकारी, कार्यसमिति सदस्य शिव श्रेष्ठ, नेपाल मानवअधिकार संगठन नमोबुद्ध नगर समितिका अध्यक्ष श्यामगोपाल श्रेष्ठ लगायतका रेडक्रसकर्मीले सामाग्री वितरण गरेका थिए ।
जिल्ला शाखाबाट थप सामाग्री प्राप्त भएपछि उपशाखाको कार्यक्षेत्रका सबै वडामा राहत सामाग्री वितरण गर्ने उपशाखा सभापति अधिकारीले जानकारी दिए ।
असोज १० देखि १२ गतेसम्मको अविरल बर्षापछिको बाढी र पहिरोमा प्रभावितको उद्धार र राहतमा खटिएको रेडक्रस डराउनेपोखरी उपशाखाले प्रभावितलाई आर्थिक सहयोग संकलन गरी हस्तान्तरण समेत गरेको थियो ।
प्रतिक्रिया दिनुहोस