बनेपा / नेकपा एमालेको विद्यार्थी संगठन अखिल नेपाल राष्ट्रिय स्वतन्त्र विद्यार्थी यूनियन (अनेरास्वियू) काभ्रेले उत्कृष्ट ३ ‘आइडिया’ पुरस्कृत गर्ने भएको छ ।
‘आइडिया बैंक’ कार्यक्रम घोषणा गरेको अनेरास्वियूले तीमध्ये उत्कृष्ट ३ ‘आइडिया’ छनोट गरी पुरस्कृत गर्न लागेको जिल्ला कमिटी अध्यक्ष मिलनकुमार गौतमले जानकारी दिए । मंसिर १४ गते काठमाडौ विश्वविद्यालय (केयू) मा हुने कार्यक्रममा उत्कृष्ट सार्वजनिक गरिनेछ ।
उनका अनुसार, ‘आइडिया बैंक’ मा संकलित ५१ मध्येबाट उत्कृष्ट १० छनोट गरिनेछ । ती १० मध्येबाट उत्कृष्ट ३ ‘आइडिया’ पुरस्कृत हुनेछन् । प्रथम हुनेलाई ५० हजार, दोश्रो हुनेलाई ३० हजार र तेश्रो हुनेलाई २० हजार नगद पुरस्कार उपलब्ध गराईने उनले जानकारी दिए ।
युवा, विद्यार्थीको सृजनशील विचार प्रोत्साहन र उनीहरुको क्षमता विकास गर्नुको साथै नयाँ सोच र सृजनशीलताको माध्यमबाट सामाजिक र आर्थिक परिवर्तनमा योगदान दिने वातावरण सिर्जना गर्ने उद्धेश्य रहेको गौतमले जानकारी दिए ।
कार्यक्रमको सम्पूर्ण तयारी पुरा भएको अनेरास्वियू काभ्रेले जनाएको छ ।
प्रतिक्रिया दिनुहोस