दुई नयाँ कलरमा ‘रोयल इन्फिल्ड क्लासिक ३५०’ सार्वजनिक

मंसिर १२, काठमाडौं । चेन्नाइ बेस रोयल इन्फिल्डले आफ्नो सर्वाधिक सफल मोटरसाइकल क्लासिक ३५० नयाँ कलरमा सार्वजनिक गरेको छ । कम्पनीले मेटालो सिल्भर र अरेन्ज एम्वेर दुई कलर अप्सनमा ल्याएको हो ।

पुरानो सिल्भर कलरमा मरुनो लोगोका साथै ट्याङकमा मरुन कलर लाइन प्रिन्ट रहेको छ । अर्को तर्फ अरेन्ज एम्बेरमा ब्याल्क र एरेन्ज डबल टोन कलर फिनिसिङ गरिएको छ । यसका साथै इन्जिन, एक्जष्ट र ह्वील पार्टसमा कालो कलर फिनिसिङ रहेको छ ।

कम्पनीले यी दुई कलर अप्सनलाई ‘मेक इट योर्स’ प्रोग्राम अन्तर्गत उपलब्ध गराउने जनाएको छ । यो भर्सनको मोटरसाइकलमा अलाय ह्वीलका साथ ट्यूबलेस टायर रहेको छ । कम्पनीले कलरका अलावा यसमा अन्य कुनै परिवर्तन भने गरेको छैन् ।

रोयल इन्फिल्ड क्लासीक ३५० मा ३४६ सीसी सिंगल सिलिन्डर, एयर कुल्ड इन्जिन रहेको छ । यो इन्जिनले १९.३ पीएस पावर र २८ एनएम टर्क जेनेरेट गर्छ । यसमा ५ स्पीडको गियरबक्स जडान गरिएको छ

यी दुई कलरको मूल्य १ लाख ८३ हजार १६४ भारतीय रुपैयाँ निर्धारण गरेको छ ।