माघ ९, काभ्रे। काभ्रे जिल्लाको चौंरीदेउराली गाउँपालिकाले ७० वर्ष माथिका बृद्धबृद्धाहरुको आँखाको मोतियाबिन्दुको निःशुल्क अप्रेशन गर्न शुरु गरेको छ ।
गाउँपालिकाले बुधबारबाट वडा नं. ५ को जागृति माविमा अप्रेशनको लागि शिविर सञ्चालन गरेर निःशुल्क अप्रेशन गर्न शुरु गरेको हो ।
शिविरमा गाउँपालिका अध्यक्ष दिनानाथ गौतमले स्थानीय सरकार गाउँपालिका भित्रको जनताको हरेक समस्यामा एक हुँदै आएको बताए ।
त्यस्तै गाउँपालिका उपाध्यक्ष ताराकुमारी चौंलागाईंले जेष्ठ नागरिकहरुको साथमा स्थानीय सरकार छ भन्ने अनुभूति दिलाउन यस्तो कार्यक्रम ल्याएको बताईन् ।
२ दिनमा ६५ जनाले पाए सेवा
बुधबार र विहिबार गरी भएको शिविरमा ६५ जना बृद्धबृद्धाहरुको मोतियाविन्दुको सफल शल्यक्रिया भएको स्वास्थ्य शाखा प्रमुख तेजबहादुर घिसिङ जानकारी दिए । उनका अनुसार बुधबार २३ र बिहिबार ४२ जनाको सफल भएको थियो । शुक्रबारसम्म शिविर सञ्चालन हुने घिसिङले बताए ।
उक्त शिविरमा अप्रेशनको लागि ग्रामीण स्वास्थ्य तथा शिक्षा केन्द्र, गोकर्ण काठमाडौँको प्राविधिक टोलीले सहयोग रहेको बताईएको छ ।
प्रतिक्रिया दिनुहोस