पनौती सुन्थानका दुई विपन्न परिवारलाई दुई कोठे पक्की घर हस्तान्तरण

असार १५, काभ्रे। पनौती नगरपालिका वडा नं ९ सुन्थानका दुई विपन्न परिवारलाई पक्कि घर हस्तान्तरण गरिएको छ।

आर्थिक अभावका कारण भुकम्पमा क्षति पुगेका निजी आवास भवन निर्माण गर्न नसकेका पनौती-९ सुन्थानका ललितबहादुर दमाई र राजकुमार दमाईलाई पक्कि घर निर्माण गरेर हस्तान्तरण गरिएको हो।

शान्ति जनआर्दश सेवा केन्द्र र सिआरएस नेपालको साझेदारीमा सञ्चालित काभ्रे पुर्नलाभ तथा पुर्नउत्थान परियोजना अन्तरगत निर्माण भएका दुईवटा घर पनौती नगरपालिकाका नगर प्रमुख भिम न्यौपाने, शान्ति जन आदर्श सेवा केन्द्रका अध्यक्ष शंखबुद्ध लामा र पनौती ९ का वडा अध्यक्ष सहकुलकुमार हुमागाईले सुन्थानका ललितबहादुर दमाई र राजकुमार दमाईलाई नवनिर्मित दुई कोठे पक्की घर हस्तान्तरण गर्नुभएको हो।

ललित र राजकुमारको आर्थिक अवस्थाका कमजोर भएकै कारणले राष्ट्रिय पुनर्निर्माण प्राधिकरणमार्फत सरकारले उपलब्ध गराएको पहिलो किस्ताको रकम लिएपनि घर निर्माण गर्न सकेका थिएनन । पक्कि घर पाएसँगै उनीहरुले पहिलो किस्ता बापत सरकारबाट पाएको ५० हजार रकम परियोजनाले नै फिर्ता गर्न सहयोग गरेको थियो ।

पुर्नलाभ तथा पुर्नउत्थान परियोजना अन्तरगत काभ्रेको तेमाल गाउँपालिका, रोशी गाउँपालिका र पनौती नगरपालिकामा कम लागतमा ४२ वटा निजी आवास भवन पुनर्निर्माणको काम भइरहेको छ।