काभ्रेमा आज ३५ जना संक्रमित थपिदा ३९ जना निको भए, एक जनाको मृत्यु

भदौ १३, काभ्रे। काभ्रेमा आज ३५ जना नयाँ संक्रमित थपिएका छन्। आजै जिल्लाभर ३९ जना संक्रमित उपचारपछी निको भएको स्वास्थ्य कार्यालय काभ्रेले जनाएको छ।

यस्तै आज जिल्लामा ४१० जना सक्रिय संक्रमित रहेका छन्। हिजोको तुलनामा आज सक्रिय संक्रमित घटेका छन्।

यस्तै आज काभ्रेमा थपिएका ३५ जना संक्रमित मध्ये पिसिआर परिक्षणबाट बनेपा नगरपालिकामा १२ जना, धुलिखेलमा १३, पाँचखालमा  ४, पनौतीमा १, मण्डनदेउपुरमा १ जना, तथा एन्टीजेन परिक्षणबाट बनेपा १, नमोबुद्धमा ३ जना रहेका छन्।

यसैगरी काभ्रेमा हालसम्म कुल कोरोना संक्रमित संख्या १४ हजार १४५ पुगेको कार्यालयले जनाएको छ।

एक जनाको मृत्यु 

कोरोना संक्रमणका कारण आज काभ्रेमा एक जनाको मृत्यु भएको छ। बनेपाका ७९ वर्षीय पुरुषको आज धुलिखेल अस्पतालमा उपचारका क्रममा मृत्यु भएको स्वास्थ्य कार्यालय काभ्रेले जनाएको छ।

कोरोना बिरुद्दको खोप

जिल्लाभर आज १३ हजार ३११ जनाले कोरोना बिरुद्दको खोप लगाएका छन्। स्वास्थ्य कार्यालय काभ्रेका अनुसार हालसम्म जिल्लामा विभिन्न चरणका खोप गरी २ लाख २८ हजार ९९९ जनाले खोप लगाएका छन्।

थप विवरण हेर्नुहोस:-