भदौ १३, काभ्रे। काभ्रेमा कोरोना बिरुद्धको खोप लगाउने क्रम आज पनि जारी रहेको छ। आज (आईतबार) जिल्लाको विभिन्न पालिकामा गरी जम्मा १३ हजार ३११ जनाले भेरोसेलको खोपको पहिलो र दोस्रो डोज लगाएका छन्।
स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर नरेन्द्र कुमार झाका अनुसार भेरोसेलको खोपको पहिलो मात्रा लगाउनेको संख्या ९ हजार ९८३ रहेको छ भने ३ हजार २८६ जनाले भेरोसेलको खोपको दोश्रो मात्रा लगाएका छन्।
भेरोसेलको खोपको पहिलो मात्रा : पनौती नगरपालिकामा सबै भन्दा धेरै ४ हजार १३५ जनाले खोप लगाएका छन् भने, पाँचखालमा २ हजार २५२ जना, बनेपामा २ हजार ६७, नमोबुद्धमा ८६८, मण्डनदेउपुरमा १४८, धुलिखेलमा १४७, तेमालमा १२७, बेथानाचोकमा ११७, रोशीमा ६६, महाभारतमा ५६ जनाले भेरोसेलको पहिलो डोजको खोप लगाएका छन्।
यस्तै, भेरोसेलको खोपको दोश्रो मात्रा : मण्डनदेउपुरमा १ हजार ३१६ जनाले भेरोसेलाको दोश्रो डोज खोप लगाएका छन् भने बेथानाचोकमा ८७२ जना, महाभारतमा ४५५, नमोबुद्धमा ३५९, पनौतीमा २१५, बनेपामा ४७, धुलिखेलमा १४, तेमालामा ८ जनाले खोप लगाएका छन्।
यसैगरी, नमोबुद्धमा ४ जनाले एस्ट्राजेनीकाको पहिलो डोज लगाएका छन् भने एस्ट्राजेनीकाको दोश्रो डोज लगाउनेमा बनेपाम ३० जना तथा नमोबुद्धमा ८ जना रहेका छन्।
स्वास्थ्य कार्यालय काभ्रेका अनुसार हालसम्म कोभिसिल्ड, भेरोसेल र जोन्सन एण्ड जोन्सन, एस्ट्राजेनीकाको खोप लगाउनेको संख्या २ लाख २८ हजार ९९९ जना रहेको छ।
प्रतिक्रिया दिनुहोस